%20(1).png "القضاء على الفشل")
علاقتك بربنا عزوجل هي أهم شيئ في حياتك كلها
اهتم بنفسك وصحتك الجسدية والعقلية.
نام كويس.
مارس نشاط بتحبه.
ابعد عن الناس السلبية.
كافئ نفسك بخطوات صغيرة.
لما تهتم بنفسك، هتلاقي عندك طاقة ترجع تبدأ من جديد.
اعترافك بالفشل خطوة مهمة في القضاء على الفشل!
كتير مننا بيحاول يبرر أو يلوم الظروف أو الناس. الحقيقة؟ طول ما إنت مش معترف، عمرك ما هتعرف تعالج السبب،اعترف بفشلك ودور ورا أسبابه، عشان تشوف أنت عملت إيه غلط، بالإضافة إلى أن الأعتراف مش ضعف لكن خطوة للنمو، كل تجربة فيها قيمة، اسأل نفسك إيه وصلك؟ طبعا مش كل حاجة ممكن تلاقي ليها تفسير لكن حاول بقدر الأمكان.
تحويل الفشل لدرس مفيد في الحياة
انت دكتور نفسك عارف في الخطأ أو على الاقل عندك فكرة عنه، تقدر تطور من نفسك وتتعلم دائما في سبيل أنك تكون شخص أفضل، وبالتالي هتحقق نجاحات بسبب تعلمك من فشلك، لان بعض الدروس في الحياة ثمنها ليس المال ولكن! لكل منا ثمنه يدفعه في ذلك وفيه أسأله زي دي هتفيدك.
- إيه اللي عملته غلط؟
- كان ممكن أتصرف إزاي بشكل مختلف؟
- إيه الحاجة اللي أتعلمتها وهتساعدني المرة الجاية؟
أنسى الماضي بسلبياته وحزنه وابدأ صفحة جديدة
التفكير المستمر في “لو” و“كان” بيستنزفك، سواء في وقت أو تفكير بالتالي تجربة سيئة تانية انت في غنى عنها نصائج عشان تقدر تنسى.
- اكتب التجربة في ورقة، استخلص منها العِبرة، وبعدها اقطع الورقة وارميها.
- اعمل نشاط بسيط يرمز لبداية جديدة (تنظيف مكتبك، شراء دفتر جديد، تغيير روتينك).
تحديد هدف صغير وواضح يساعد في التغلب على الفشل
كل يوم بيعدي هو فرصة من ربنا عزوجل ليك تبدأ بداية جديدة فيها خير ورزق، ليه بقى بعد ما بتفشل أنت محتاج نجاح ولو صغير؟ عشان روحك المعنوية ترتفع، وبالتالي نجاح أفضل وقضاء على الفشل القديم، وده بييجي بأنك تتشغل على هدف ولو صغير، لما تنجح فيه هتلاقي دَفعة في حياتك للهدف اللي بعده، دائما خطوة الألف ميل بتبدي بخطوة.
- النجاحات الصغيرة بتبني ثقة كبيرة.
دور الدعم في علاج الفشل والتعافي السريع
مش لازم تمشي الطريق لوحدك، احكي لحد قريب منك تثق فيه جدا، استشير شخص مر بنفس التجربة، أو حتى شارك خطتك مع صديق يشجعك، الدعم النفسي بيختصر وقت كبير من التعافي لو كان من ناس ثقة وجديرين بالمسؤلية.
التزم بالاستمرارية في خطواتك الإيجابية القادمة
النجاح مش إنك تعمل كل حاجة صح… النجاح إنك تكمل رغم الأخطاء، حتى لو وقعت تاني، قوم كمل.خلي شعارك: “استمرارية بسيطة أفضل من محاولات مثالية منقطعة.”
الفشل مش نهاية… بالعكس، هو محطة بتجهزك لبداية أكبر. كل ما تقع وتقوم، بتبني في شخصيتك قوة وخبرة عمرها ما تيجي من النجاح السهل.
افتكر: النجاح الحقيقي مش غياب الفشل… النجاح الحقيقي هو القدرة على النهوض بعد كل سقوط.