مميزات وعيوب لابتوب HP EliteBook 845 G8 مراجعة شاملة

مواصفات لابتوب HP EliteBook 845 G8

الجهاز ده مش للجميع. مصمم لموظف الشركة اللي عايز حاجة خفيفة، تشتغل طول اليوم، ومتعملوش مشاكل. وفي الحدود دي، بيعمل شغله كويس.

الأداء في لابتوب  HP EliteBook 845 G8

المعالج AMD Ryzen PRO 5000 شغال تمام في الاستخدام اليومي. إيميل، متصفح بعشرين تاب، Office، كل ده بيجري بدون أي تعقيد. لو شغلك فيديو أو تصميم ثقيل، دور على غيره من الأصل.

المروحة بتتسمع لما الجهاز يتحمّل، بس مش لدرجة المزعجة.

الشاشة في جهاز  HP EliteBook 845 G8

14 بوصة FHD، الصورة واضحة للشغل العادي. المشكلة الوحيدة في السطوع، لو شتغلت في مكان فيه ضوء طبيعي قوي هتحتاج ترفع السطوع للآخر. الألوان كويسة للمستندات، مش للتصميم الاحترافي.

الكيبورد والتاتش باد في  HP EliteBook 845 G8

الكيبورد من أحسن حاجة في الجهاز. الضغط مريح، التباعد مظبوط، تقدر تكتب ساعات من غير تعب. التاتش باد واسع وبيستجيب بدقة.

بصمة الإصبع والكاميرا بيشتغلوا من غير تعقيد، وده مهم في بيئة الشركات.

بطارية جهاز لابتوب  HP EliteBook 845 G8

أهم حاجة في الجهاز. بتوصل لـ 5 ساعات في الاستخدام المكتبي العادي. مش الأفضل في السوق، لكن بتكملك اليوم من غير ما تدور على فيشة، ملحوظة تختلف في حالة شراء لابتوب مستعمل أو أستيراد.

التصميم والخامات  HP EliteBook 845 G8

الهيكل مغنيسيوم وألومنيوم، الوزن من 1.37 كيلو. خفيف ومتين. الشكل جميل وSLIM بلون السيلفر التحفة والمفضل لدى العديد من المشتريين.

المنافذ

Thunderbolt 4، USB-A، HDMI، قارئ SD كارد، WiFi 6. كل اللي محتاجه موجود.

عيوب لابتوب  HP EliteBook 845 G8

السطوع المحدود في الشاشة هو المشكلة الأساسية. السماعات عادية مش أكتر. ومفيش أي قوة رسومية تتكلم عنها.

مناسب لمين؟

اللي شغله إيميل ومستندات واجتماعات طول اليوم. اللي عايز جهاز يشتغل من غير ما يفكر فيه.

التقييم: 7.5 

سعر لابتوب  HP EliteBook 845 G8 في مصر

• النسخة RYZEN 7PRO 5850U برام 16Gb و SSD 256 حوالي 15500 و 16000 إذا كانت الشاشة تاتش أسكرين، والنسخة RYZEN 5PRO أرخص في السعر في حدود 13500,